Central Office

Banepa-8, Kavrepalanchowk

Call Us Now

+977 011 662311/662312

Email

info@mirmirebank.com.np


मिर्मिरे र नेरुडे लघुवित्त मर्जर प्रस्ताव पारितको लागि विशेष साधारण सभा सम्पन्न


काभ्रेको बनेपा स्थित मिर्मिरे लघुवित्त वित्तीय संस्था लि.ले विशेष साधारण सभा सम्पन्न गरेको छ । आज बैशाख १० गते काभ्रेको धुलिखेल स्थित होटल सारथीमा संस्थाको विशेष साधारण सभा सम्पन्न भएको हो ।
संचालक समिति सदस्य सन्तोष फुयलले स्वागत मन्तव्य मार्फत स्वागत गरिएको सभाले मिर्मिरे लघुवित्त वित्तीय संस्था लि. र नेरुडे लघुवित्त वित्तीय संस्थाबीच एक आपसमा गाभ्ने÷गाभिने सम्बन्धी अन्तिम प्रस्तावहरुलाई पारित गरेको छ ।


त्यसै गरी एक आपसमा गाभिए पश्चात बन्ने लघुवित्त वित्तीय संस्थाको नाम नेरुडे मिर्मिरे लघुवित्त वित्तीय संस्था लि. कायम गरी सो नामबाट लघुवित्त कारोवार संचालन गर्ने तथा संस्थाको रजिष्टर्ड कार्यालय काभे्रपलाञ्चोक जिल्ला वनेपा नगरपालिका वडा नं. १३ मा रहने तथा कर्पोरेट कार्यालय काठमाडौ र ललितपुर महानगरपालिका वाहेक काठमाण्डौ उपत्यका भित्र रहने प्रस्तावसम्बन्धी प्रस्ताव समेत पारित गरेको छ ।
दुबै संस्थाको शेयर अनुपात क्रमशः १ः१ कायम गर्ने, एक आपसमा गाभ्ने÷गाभिने सम्बन्धी कार्यको लागि गरिएको अन्तिम संझौतापत्र, सहमतीपत्र तथा अन्य भए गरेका मर्जर सम्बद्ध संझौताहरुको अनुमोदन गर्ने, चल÷अचल सम्पत्ति तथा दायित्व मुल्यांकन प्रतिवेदन तयार गर्नका लागि नियुक्त, लेखापरीक्षक÷मुल्यांकनकर्ताको नियुक्ति तथा पारिश्रमिकको अनुमोदन, एक आपसमागाभ्ने÷गाभिने प्रयोजनको लागि बाँकी काम कार्यवाही÷प्रक्रिया अगाडी बढाउन संचालक समितीलाई अख्तियारी दिनुका साथै संचालक समितीमा हुने फेरबदल सम्बन्धि प्रस्ताव समेत पारित गरेको छ ।
प्रबन्धपत्र तथा नियमावलीमा आवश्यक संसोधन गर्ने, पूँजी संरचना परीर्वतन लगायतका सम्पूर्ण प्रस्ताबहरु पनि सर्वसम्मत रुपमा पारित भएका छन् ।







Back To Top